Skuadra e Los Angeles Lakers është kthyer te fitorja, sapo LeBron James është rikthyer në parket, shkruan lajmi.net.

Lakers kanë mposhtur skuadrën e New York Knciks pas vazhdimeve, me rezultatin 122-115.

Në këtë ndeshje shkëlqeu  ‘Mbreti’ James, duke regjistruar ‘Triple-Double’, me 29 pikë, 13 kërcime e 10 asiste.

Malik Monk ishte po ashtu në kuotën e 29 pikëve, kurse Anthony Davis ndihmoi me ‘Double-Double’ prej 28 pikëve e 17 kërcimeve.

Lakers ishin në 21 pikë disavantazh në një pikë të ndeshjes, por arritën të rikthejnë gjithçka dhe të marrin fitoren. /Lajmi.net/