Luis Suarez është objektivi numër 1 i Real Madridit për sezonin e ardhshëm. Gjiganti spanjoll do të bëjë gjithçka, vetëm për ta pasur në Santiago Bernabeu sulmuesin e rrezikshëm të Liverpoolit, i cili po kalon nëpër momentet më të mira të karrierës.

Tabloidi britanik, Daily Express shkruan se ‘Los Blancos’ po e mendojnë qysh tash strategjinë se si të arrijnë deri tek përfaqësuesi uruguaian.

Dhe, arritja eventuale e ish futbollistit të Ajaxit në Madrid, do të thoshte se dikush duhet t’i bëjë valixhet gati.

E emri që përmendet si sakrificë e mundshme e klubit spanjoll është sulmuesi francez, Karim Benzema.

Ish futbollisti i Olympique Lyonit nuk i ka shfaqur sa duhet vlerat e tij gjatë pesë vjetëve të qëndrimit në Bernabeu, kështu që ai mund ta ndjek rrugën e Gonzalo Higuainit, duke u larguar nga mbretërit e Madridit.