Casemiro ka shkëlqyer gjatë periudhës së deritashme të huazimit në Porto.

Dhe, kjo nuk ka lënë pa u vërejtur nga klubi i tij amë, Real Madrid.

Andaj, drejtuesit e gjigantit spanjoll janë duke konsideruar mundësinë e rikthimit të tij në Santiago Bernabeu, gjatë afatit kalimtar të verës, raporton e përditshmja sportive madrilene “Marca”.

Casemiro ka luajtur shumë mirë me Porton dhe së fundmi realizoi një gol të jashtëzakonshëm nga goditja e lirë kundër Baselit në Ligën e Kampionëve.

Andaj, duke parë se disa futbollistë kanë paralajmëruar largime gjatë verës, Reali mendon se me rikthimin e Casemiros mund ta zvogëlojë mungesën e ndonjërit prej tyre.

Los Blancos kanë insistuar se Casemiro nuk do të përfshihet në marrëveshjen e transferimit të mbrojtësit të Portos, Danilo.