Luka Modric ka kritikuar paraqitjen e zbehtë të Real Madridit në humbjen 2:0 nga Borussia Dortmund duke theksuar se ata “asnjëherë nuk marrim mësim” nga lojërat e dobëta.

Los Blancos, që u paraqitën pa Cristiano Ronaldon, u mposhtën në Signal Iduna Park, por u kualifikuan në gjysmëfinale të Ligës së Kampionëve me rezultat të përgjithshëm 3:2.

Pavarësisht kësaj, Modric është i pakënaqur me paraqitjen e dobët të ekipit dhe thotë se kualifikimi ka një shije të hidhur për shkak të natyrës së humbjes në Dortmund.

“Nuk e di se qka ndodhi. Mund të jetë se ishim të vetëkënaqur pas fitores 3:0 në ndeshjen e parë dhe menduam se do të jetë lehtë. Nuk e di”, deklaroi Modric. “Ne duhet të mësojmë nga kjo ndeshje. Ne gjithmonë themi se duhet të mësojmë, por nuk mësojmë kurrë. Nuk guxojmë të lejojmë që kjo të na përsëritet”, u shpreh ai.