Real Madrid dhe Barcelona janë pa dyshim dy klubet më të mëdha në Spanjë, dhe në kontinentin e Evropës.

Mirëpo, Los Blancos e mposhtin rivalin nga Camp Nou sa i përket përkrahjes. Sipas Qendrës për Studime Sociologjike (CIS), Real Madrid është skuadra me mbështetjen më të madhe në Spanjë.

Los Blancos kanë mbledhur 37.9 për qind të votave të personave të anketuar kurse Barcelona doli e dyta me 25.4 për qind. Atletico Madrid, kampioni i ri i La Ligës përfundoi i treti me 61. për qind.

Por, nëse konsiderohet fakti se për një numër të madh të tifozëve Atletico është skuadra e dytë më e dashur, atëherë përqindja mund të rrihet në 8.3.

Këto janë tri ekipet që qëndrojnë në pozitat e para, të tjerët janë shumë, por edhe kanë përqindje dukshëm më të vogël.

Lionel Messi dhe Cristiano Ronaldo konsiderohen si dy futbollistët më të mirë në botë, ani pse atyre i është bashkuar mesfushori i Bayern Munichut, Franck Ribery në mesin e tre finalistëve për Topin e Artë 2013 nga FIFA.

Argjentinasi dhe portugezi vazhdojnë të krahasohen në kategori të ndryshme edhe atëherë kur nuk paraqiten në fushën e lojës.

Si? Gazeta sportive madrilene Marca ka bërë një krahasim mes rezultateve të Barcelonës dhe Real Madridit në mungesë të argjentinasht dhe portugezit për shkak të lëndimeve.

Cristiano Ronaldo e la skuadrën e tij në epërsi 1:0 në Almeria dhe rikthehet nga lëndimi pas fitoreve të skuadrës ndaj Galatasarayt dhe Real Valladolidit, së bashku me barazimin kundër Olympic Xativas.

Gjiganti madrilen nuk ka shfaqur shenja të mungesës së yllit portugez, për dallim nga Barcelona, që pa Lionel Messin e lënduar humbi dy ndeshje të njëpasnjëshme nga Ajax Amsterdam dhe Athletic Bilbao.