Sami Khedira është duke kaluar muajt e fundit të karrierës së tij si futbollist i Real Madridit.

Mesfushori gjerman nuk do ta vazhdojë kontratën me gjigantin nga Santiago Bernabeu dhe do të largohet nga klubi si futbollist i lirë në verën e vitit të ardhshëm, raporton portali spanjoll “Cadena Ser”.

Khedira ka kontratë me Los Blancos deri në fund të këtij sezoni dhe pritej të largohet në janar.

Por, lëndimi i mesfushorit kroat Luka Modric i cili do të mungojë për tre muaj ka bërë që Khedira të mbetet në klub, mirëpo jo më gjatë se deri në verën e vitit të ardhshëm kur si futbollist i lirë do të zgjedhë një destinacion të ri. 

Sami Khedira do të transferohet në Arsenal ose Chelsea në ditët e ardhshme pasi Real Madrid ka bërë të qartë se ai nuk ka të ardhme në klubin spanjoll. Khedira spekulohej me gjigantët londinezë në javët e fundit.

Dhe, “Daily Express” ka njoftuar se Khedira do të nënshkruajë për njërin prej tyre në të ardhmen e afërt pas injorimit në triumfin e Realit në Superkupën e Evropës kundër Sevillas.

Khedira ishte pritur të luajë në ndonjë fazë të ndeshjes, por Los Blancos duket se kanë vendosur të largojnë 27-vjeçarin i cili ka hyrë në vitin e fundit të kontratës në Santiago Bernabeu.