Trajneri i Real Madridit, Carlo Ancelotti është duke kërkuar ta forcojë skuadrën e tij, ndërsa Sterling është emri që kryeson listën e dëshirave të trajnerit italian.

Lojtari ende nuk po arrin ta rinovojë kontratën e tij me Liverpoolin, dhe kështu në fund të sezonit, mund të largohet nga Anfield.

Daily Mirror raporton se Los Blancos janë shprehur të gatshëm të paguajnë një shumë mjaft të mirë parashë, për të transferuar talentin anglez.

Sterling ka shkëlqyer me fanellën e Liverpoolit, sidomos gjatë sezonit të fundit, pasi ka krijuar një bashkëpunim perfekt me lojtarët si Suarez dhe Sturridge.

Real Madrid ëhstë jashtëzakonisht aktiv në afatin kalimtar të futbollistëve. Sipas tabloidit britanik Mirror, Los Blancos janë të interesuar për një yll të ri të Liverpoolit.

Kësaj radhe nuk bëhet fjalë për sulmuesin uruguaian Luis Suarez, objektiv afatgjatë i kampionit të ri të Evropës.

Por, trajneri i Real Madridit, Carlo Ancelotti thuhet se ka shprehur interesim për transferimin e mesfushorit ofanziv Raheem Sterling.

Reprezentuesi anglez ishte një prej futbollistëve kryesorë të Liverpoolit në edicionin e kaluar duke ndihmuar skuadrën të luftojë për titull të kampionit në Premierligë, dhe përfundojë në pozitën e dytë.

Kurse, ai ka zënë vend si titullar në Kombëtaren e Anglisë në Kampionatin botëror, ndonëse ata u eliminuan pas dy humbjeve të njëpasnjëshme në Grupin D nga Italia dhe Uruguai.