Manchester United ka insistuar se David de Gea nuk është në shitje.

Por, Real Madrid nuk e ka ndërmend të ndalet në përpjekje për të arritur marrëveshje për transferimin e tij.

Sipas mediave spanjolle, Los Blancos vazhdojnë të jenë në ndjekje të portierit spanjoll i cili konsiderohet si pasardhës ideal për Iker Casillasin.

De Gea ka shkëlqyer me paraqitjet e tij për Unitedin gjatë këtij sezoni duke u shndërruar në një prej futbollistëve kryesorë në skuadrën e menaxherit Louis van Gaal.