Ende nuk është zyrtare, por sipas gjitha gjasave, Real Madrid nuk do të ankohët në orët e ardhshme për kartonin e verdhë me të cilin u ndëshkua Cristiano Ronaldo në minutën e 51-të të fitores 2:0 ndaj Rayo Vallecanos.

Pas këtij kartoni, Ronaldo u suspendua për takimin e radhës.

Por, sipas të përditshmes sportive spanjolle “AS”, Los Blancos nuk do ta kontestojnë ndëshkimin duke e pranuar kartonin dhe suspendimin e futbollistit më të mirë të ekipit, për duelin e radhës në kuadër të La Ligës.