Real Madrid është klubi më i mirë në botë për vitin 2014, sipas Federatës Ndërkombëtare për Histori dhe Statistika në Futboll (IFFHS).

Los Blancos në edicionin e shkuar triumfuan në Ligën e Kampionëve, duke u shpallur kampion i Evropës për herë të dhjetë në histori të klubit. Dhe, IFFHS i ka kurorëzuar me epitetin e ekipit të vitit.

Në pozitën e dytë, paraqitet Bayern Munich, kurse në podium është ngjitur edhe kampioni në fuqi i La Ligës, Atletico Madrid.

Barcelona është e katërta para Atletico Nacional de Medellin. Kurse, Juventus, Arsenal, Napoli, River Plate dhe Salzburg kompletojnë top-dhjetëshen.