Ministri i Punëve të Jashtme të Serbisë, Marko Gjuriq ka reaguar në lidhje me zhvillimin e zgjedhjeve në Kosovë.

Ai tha se populli serb në Kosovë dha mbështetje masive ndaj Listës Serbe duke treguar se “nuk është thyer nga terrori i Albin Kurtit dhe se populli në Kosovë është i gatshëm të vazhdojë luftën e drejtë për një jetë dinjitoze”.

Gjuriq shkroi në “X” se rezultati i shkëlqyer i Listës Serbe do t’u mundësojë serbëve në Kosovë të artikulojnë politikisht vullnetin e tyre dhe të luftojnë për të drejtat e tyre njerëzore duke përdorur të gjitha mjetet demokratike në dispozicion.

“Jam i sigurt se do të vazhdojnë të bëhen përpjekje të mëdha për përçarjen dhe frikësimin politik të popullit serb në Kosovë, por Lista Serbe do të jetë qytet i serbëve dhe luftëtar konsistent dhe i palëkundur për dialog dhe bashkëjetesë paqësore dhe në këtë do të ketë mbështetjen e fortë të Beogradit”,shtoi ai./Lajmi.net/