Rashica pas rikuperimit: I lumtur që po kthehem në fushën e blertë

12:46 | 18 Shtator 2019

Milot Rashica e ka lënë prapa krahëve lëndimin e fundit.

Milot Rashica mbeti jashtë fushës së blertë për më shumë se tri javë, duke i humbur tri ndeshje të Bundesligës.

Rashica nuk luajti as për Përfaqësuesen e Kosovës në ndeshjet e shtatorit, ndaj Republikës Çeke dhe Anglisë.

Megjithatë, 23 vjeçari ka ushtruar këtë javë me grupin dhe është i gatshëm të rikthehet për ndeshjen e së shtunës ndaj Leipzigut.

“I lumtur që po kthehem në fushën e blertë, për ta bërë atë që më pëlqen ta bëj”, ka shkruar Rashica në rrjetet sociale. /Lajmi.net/