Mbrojtësi i Real Madridit, Sergio Ramos është shprehur i lumtur me paraqitjen e ekipit të tij në fitoren 1:0 ndaj Bayern Munichut në ndeshjen e parë gjysmëfinale në Ligën e Kampionëve.

“Ishte një ndeshje e mirë. Ishte vështirë, shumë, shumë intensive kundër një kundërshtari që pëlqen të dominojë në posedim”, deklaroi Ramos pas ndeshjes.

“Ne u desh të venim presion në përpjekje për të vjedhur topin në pjesëfushën sulmuese”, shtoi ai.

“Mendoj se duhet të luajmë për fitore edhe në ndeshjen e kthimit sepse rezultati 1:0 mund të mos mjaftojë. Ne do të vazhdojmë të studiojmë kundërshtarin në përpjekje për të siguruar finalen”, përfundoi ai.