Ramadani në emisionin Zyra e Ankesave në RTV Dukagjini tha se Prishtina është kryeqytet dhe është top prioritet, e vëmendje të posaçme ka edhe Malisheva për shkak të specifikave.

Por, sipas tij, asnjë qytet i Kosovës nuk është lënë anash në këtë situatë me COVID-19.

Drejtori i IKSHP-së sërish kërkoi nga qytetarët që të zbatojnë rekomandimet në mënyrë që situata me coronavirus të jetë nën kontroll.

I pyetur se kur mund të pimë kafe në kafene e kryeqytetit, Ramadani tha se së shpejti por pa precizuar kohën kur.

“… së shpejti edhe në kafiteri”, tha Ramadani, duke mos dhënë kohën e saktë.