Ata po i përgjigjen një thirrjeje të ajatollahut të madh Ali al-Sistani, drejtuar irakianëve për të mbrojtur vendin e tyre kundër Shtetit Islamik të Irakut dhe Levantit, që bëri përparime të shpejta gjatë kësaj jave.

Vullnetarët nga i gjithë Bagdadi u transportuan me autobusë në një bazë në pjesën lindore të kryeqytetit për trajnim. 

Në disa qendra, dhjetëra prej tyre u ngjitën në rimorkiot e kamionëve të ushtrisë, duke brohoritur parulla shiite dhe duke ngritur armët lartë. 

Grupet do të bashkohen me ushtrinë në linjën e parë të frontit, duke zëvendësuar ushtarët që braktisën armët dhe ikën në shtëpi. 

Këto thirrje për kapje të armëve vijnë si pasojë e tensioneve sektare, që pritet ta shtyjnë vendin në drejtim të luftës civile, duke gjeneruar krizën më të madhe në vend, që nga tërheqja e forcave amerikane në fund të vitit 2011. 

Luftëtarët nga Shteti Islamik – një fraksion i Al Qaeda-s, po marrin mbështetje nga figura të ish sistemit të Sadam Huseinit dhe sunive tjerë, pas arritjes së fitoreve dramatike, ku arritën që të martën të marrin nën kontroll qytetin e dytë më të madh në Irak, Mosulin. (lajmi.net)