Qeveria e re – gjatë kësaj jave, thotë Kuçi
Marrëveshja në parim, e arritur në mes Partisë Demokratike të Kosovës (PDK) dhe Lidhjes Demokratike të Kosovës (LDK), pritet të finalizohet gjatë kësaj jave.
Lajme
Nënkryetari i PDK-së, Hajredin Kuçi, ka thënë për Telegrafin se janë duke bërë konsulta me Lidhjen Demokratike të Kosovës (LDK), për titullarët e qeverisë së re.
I pyetur se kur do të dihen emrat e atyre që do ta përbëjnë ekzekutivin e ri, Kuçi është shprehur optimist se kjo do të ndodhë gjatë kësaj jave.
“Brenda javës, besoj”, ka thënë shkurt ai.
Bërja publike e qeverisë së koalicionit PDK-LDK do të heqë edhe dilemat se kush do të jetë kryeministri.
Nga partia e Isa Mustafës kanë theksuar se janë të vendosur që pozitën e kryeministrit të mos e negociojnë me asnjë kusht.
Madje, deputeti i LDK-së, Sadri Ferati, ka theksuar se koalicionin PDK-LDK është “koalicion i zorit”.