Ministri Agani, ka falënderuar ambasadoren Daviet, për ndihmën që shteti i Francës i ka dhënë Kosovës, ndihmë e cila po vazhdon edhe në ditët e sotme.

Me këtë rast Agani ka thënë se Kosova ka miratuar një sërë ligjesh dhe strategjish që rregullojnë fushën e trajtimit të ujërave të zeza dhe se mirëpret donatorët që shprehin interesim të investojnë në këtë fushë që përllogaritet shumë problematike.

Ambasadorja Daviet e ka njoftuar Aganin se Qeveria e Francës ka shprehur gatishmërinë të investojë në fushën e menaxhimit të ujërave të zeza dhe se ka projekt konkret për ndërtimin e një impianti modern, i cili do të trajtonte ujërat e zeza në Komunën e Prishtinës, Obiliqit dhe Fushë Kosovës.

Të dy palët u pajtuan që menjëherë të shikohen modalitetet për të mundësuar fillimin e këtij projekti, i cili do të zgjidhte problemin e ujërave të zeza në rajonin e Prishtinës, thuhet në komunikatë.