Zyra e prokurimit në Policinë e Kosovës ka rekomanduar për kontratë kompaninë “Oni Design” për furnizim me ushqim për qentë zyrtarë, raporton ORAinfo.

Sipas kësaj zyre të PK-së, vlera e kontratës për furnizim me ushqim të qenve të cilët shërbejnë kryesisht në sektorin e anti-drogës është paraparë të jetë 75 mijë e 48 euro

Në këtë aktivitet të prokurimit kanë aplikuar katër kompani, ndërkaq oferta më e shtrenjtë në vlerë prej 124 mijë e 48 euro.

Në përshkrimin e lëndës së kontratës thuhet se “blerja e ushqimit për qentë zyrtarë sipas sasisë e cila është e cekur ne dosjen e tenderit, kemi te bëjmë me furnizim me tri lloje të ndryshme të ushqimit për qene, totali i të gjithë artikujve parashihet të jetë rreth 34240 kg”.