Ish ambasadori i Serbisë në Bjellorusi, Sreçko Gjukiq ka thënë se presidenti i Rusisë, Vladimir Putin gjatë vizitës në Beograd ka paralajmëruar një skenar të ri të mundshëm për zgjidhjen e çështjes së Kosovës.

Gjukiq ka thënë se kjo parasheh angazhimin më aktiv të Rusisë së bashku me Shtetet e Bashkuara të Amerikës, shkruan agjencia serbe e lajmeve “Tanjug”, transmeton lajmi.net.

Gjukiq ka theksuar se Putin është i mendimit se udhëheqja e Bashkimit Evropian të dialogut mes Prishtinës dhe Beogradit nuk ka sjellë rezultatet e duhura dhe duhet të ekzistojë një modul i ri për të sjellë një zgjidhje përfundimtare.

Presidenti i Serbisë, Aleksandar Vuçiq sot ka falënderuar Putinin për vizitën e tij në Beograd duke shprehur kënaqësinë e tij për mbështetjen e vazhdueshme të presidentit rus ndaj Serbisë. /Lajmi.net/