Një lajm i mirë për fansat e grupit është se ribashkimi i “Pussycat Dolls” nuk ka mbaruar kurrë, shkruan Daily Mail, transmeton lajmi.net.

Nicole Scherzinger dhe anëtaret e grupit janë duke u përgatitur për të hedhur jetë të freskët në grup dhe janë në prag të nënshkrimit të një marrëveshje të re të menaxhimit për të siguruar të ardhmen e tyre afatgjatë.

Ky veprim do të thotë që më shumë muzikë e re nga vajzat ka të ngjarë të arrijë së shpejti.

Është bërë e ditur se Pussycat Dolls kanë marrë interes nga Maverick, kompania e menaxhimit të Madonnës dhe Britney Spears në SHBA, pas suksesit të hitit të tyre të kthimit React vitin e kaluar.

Ato gjithashtu kanë në plan të takohen me firma të tjera të mëdha në SHBA në javët e ardhshme, me Nicole, Ashley Roberts, Kimberly Wyatt, Carmit Bachar dhe Jessica Sutta të vendosur për të bërë një sukses të kthimit të tyre në pop.

Lajmi vjen mes thashethemeve që Nicole po mendonte për të vazhduar solo edhe një herë, megjithëse thuhet që ajo është plotësisht e përkushtuar ndaj grupit.

Një burim tha: “Pandemia ka penguar planet për Pussycat Dolls por për sa u përket atyre, të gjitha janë duke pritur që të fillojnë sa më shpejt që të jetë e sigurt për ta bërë këtë”.

“Nicole kishte menduar të bënte disa këngë solo vitin e kaluar dhe shkroi një seri këngësh, duke përfshirë një këngë rreth distancës shoqërore të quajtur Anti-Party Anthem”, shtoi ai. /Lajmi.net/