Punimet në sistemin e Interkunjuksionit Kosovë-Shqipëri, do t’i lë pa rrymë këto vende

Në kuadër të projektit për ndërtimin e linjës interkonektive Kosova-Shqipëri, të hënën pothuajse tërë ditën do të çkyqet linja Drenas-Gllobar. Ndërkohë, nesër për disa orë do të mbesin pa energji elektrike edhe disa pjesë të Gjakovës dhe Prishtinës.

Lajme

25/04/2015 11:31

Sipas KOSTT-it, çkyqjet në Drenas do të ketë nga ora 8:00 deri në orën 12:00, si dhe nga ora 14:00 deri në orën 18:00. Këto, sipas KOSTT janë të domosdoshme për të mundësuar montimin e përçuesve në segmentin e dytë të linjës interkonektive 400 kV Kosovë-Shqipëri.

Kurse, nesër qytetarët që furnizohen nga NS Gjakova 1 do të mbesin pa furnizim me energji elektrike në mëngjes, kjo për shkak të rehabilitimit të pajisjeve të tensionit të mesëm. Punimet në fjalë, do të ndikojnë në rritjen e stabilitetit dhe sigurisë së furnizimit me energji elektrike nga aspekti i transmisionit.

Ndërsa, në Prishtinë nesër nga ora 10:00 deri në ora 14:00, do të kenë ndërprerje të energjisë elektrike për të gjithë ata që furnizohen nga nënstacioni Prishtina 2. Kjo për shkak të punimeve në kuadër të projektit: Furnizimi dhe instalimi i transformatorit TR3 në këtë nënstacion Prishtina 2.

Punimet në fjalë, sipas KOSTT-it, do të ndikojnë në rritjen e stabilitetit dhe sigurisë së furnizimit me energji elektrike nga aspekti i transmisionit.