Juventus është në Francë për Europa League, por edhe afatin kalimtar të verës. Lyon dhe Paris ndahen nga 466 kilometra, por sot dy qytetet janë më pranë njëra tjetrës sa i përket distancës.

Ekipi i Antonio Contes do të luajë kundër Olympique Lyonit të enjten në duelin e parë të çerekfinales në Europa League. Mirëpo nga kryeqyteti francez vjen një lajm bombastik që ka të bëjë me tregun e futbollistëve.

Sipas medieve franceze, drejtuesit e PSG-së janë të gatshëm të ofrojë sulmuesin Edinson Cavani në shkëmbim për mesfushorin e Juventusit, Paul Pogba.

Ylli francez ka zgjuar interesim nga shumë klubeve të mëdha evropiane në mesin e tyre edhe Real Madrid, kurse Bianconerët do të refuzojnë shitjen e tij për më pak se 60-70 milionë euro.

Andaj, PSG është i gatshëm të kompensojë diferencën financiare duke ofruar shërbimet e Cavanit, futbollist që para se të transferohej në Parc des Princes, ishte objektiv i Contes.