Tuniziani Anis Amri hyri me një kamion në një treg krishtlindjesh në qytetin e Berlinit ku la të vdekur 12 persona dhe 49 të lënduar. Para se të ndërmerrte këtë akt, ai la një video-selfie, ku fliste për hakmarrje për myslimanët e vrarë nga sulmet ajrore, shkruan lajmi.net

Ai kishte porositur të krishterët se do të pësojnë me gjakun e tyre për bombardimet ndaj myslimanëve nëpër botë. Madje bën thirrje që të vriten të krishterët nëpër Evropë.

Një video të tillë e bëri edhe sulmuesi i Stambollit në natën e festës së Vitit të Ri, ku la të vdekur 39 persona dhe 65 të plagosur në një klub nate.

Videoja e tij u publikua dje nga mediat turke, ku sipas tyre, sulmuesi kishte bërë videon për të studiuar vendin nga ku do të ikte pas sulmit. /Lajmi.net/