Protestuesit nuk pranojnë komision për verfikim, këmbëngulin në largimin e rektorit
(E Plotësuar) Xhavit Jashari ka folur para pak minutash para protestuesve për atë se çka është biseduar në takim.
Lajme
Ai ka thënë se në takim është kërkuar që të bëhet një komision i ri për verifikimin e listave të kandidatëve për studime nga Shoqatat e Luftës, mirëpo një gjë e tillë është hedhur poshtë.
“Ne nuk e pranojmë këtë komision dhe kërkesa jonë e vetme mbetet dorëheqje e rektorit Ramadan Zejnullahut”, ka thënë Jashari.
———————————
Ministri i Arsimit Ramë Buja sapo ka arritur në ndërtesën e rektoratit të Univeristetit të Prishtinës, ku dhe po zhvillon një takim me rektorin, Ramadan Zejnullahu.
Në këtë takim, përveç ministrit Buja dhe rektorit Zejnullahu, po marrin pjesë edhe përfaqësuesit e veteranëve të luftës.
Kjo vizitë është bërë pas ankesave që udhëheqësit e organizatave të dala nga lufta kanë pasur lidhur me refuzimin që rektori Ramadan Zejnullahu i ka bërë vendimit të MASHT-it për regjistrimin e studentëve familjarë të veteranëve të luftës.