Rreth orës 23:30 minuta të mbrëmjes së djeshme qindra prej tyre janë mbledhur në ambientet e jashtme të Parlamentit, aty ku gjatë paradites së sotme do të mblidhen deputetët për të votuar për dekretin e presidenti që ktheu mbrapsht ligjin e miratuar në Kuvend, që lejonte futjen e plehrave në Shqipëri.

Edhe pse në media gjatë ditës së djeshme është thënë se nuk do të futet në rendin e ditës ligji i qeverisë Rama, për shkak të mungesës së votave, sërish shoqëria civile nuk është tërhequr duke nisur edhe protesta që nuk do të ndalojnë deri në rrëzimin e këtij ligji nga parlamenti.