Raportuesi për Serbinë i Parlamentit Evropian, Jelko Kacin, thotë se normalizimi i raporteve Kosovë-Serbi, është i pakthyeshëm.

Eurodeputeti Kacin u ka bërë thirrje autoriteteve serbe që të vazhdojnë me zbatimin e Marrëveshjes së Brukselit, luftën kundër korrupsionit dhe reformën gjyqësore.

“Normalizimi i marrëdhënieve do të ketë probleme edhe në të ardhmen, por unë besoj fuqishëm se ky proces është i pakthyeshëm”.

“Zgjedhjet lokale në Kosovë paraqesin një test të rëndësishëm”.

Kacin citohet nga mediet serbe të ketë thënë se marrëveshja për normalizimin e marrëdhënieve midis Kosovës dhe Serbisë ka rëndësi historike dhe se zbatimi i saj është tejet i rëndësishëm.

Ai i ka bërë këto komente në takimin e Këshillit për Politikë të Jashtme të PE’së, në lidhje me përparimin e Serbisë drejt BE’së.