Juventus ka sjellë përforcime të mëdha në ekip gjatë këtij afati kalimtar të verës. Blerja kryesore, mbrojtësi Matthijs De Ligt iu bashkua të tjerëve si Adrien Rabiot, Aaron Ramsey e Danilo.

Mirëpo, “Bianconerët” kanë një problem të madh në ditët e fundit të afatit kalimtar të verës, përcjell lajmi.net.

Juventus ka tepricë të futbollistëve pas dështimeve të deritashme për shitjen e Blaise Matuidi, Mario Mandzukic, Daniele Rugani, Gonzalo Higuain, Paulo Dybala e Sami Khedira.

Andaj, mediat italiane raportojnë se skuadra kampione nga Serie A rrezikon t’i lë gjashtë futbollistë jashtë listës për edicionin e ri të Ligës së Kampionëve. /Lajmi.net/