Pritjet e gjata të mërgimtarëve në kufi, shqiptarët e Luginës bëjnë gjestin e madh
Ditëve të fundit janë shkaktuar kolona të gjata në kufirin e Kosovës më Serbinë.
Lajme
Pritjet në kufi për mërgimtarët të cilët po vijnë për pushime në Kosovë shpesh kanë ditur të jenë të gjata, por për ta janë kujdesur shqiptarët e Luginës.
Gjatë ditës së sotme aktivistë të Alternativës për Ndryshim në Bujanoc përmes një aksioni simbolik u kanë dhuruar ujë të ftohet mërgimtarëve që po presin në pikën kufitare te Dheu i Bardhë, njofton lajmi.net.
Kjo është bërë e ditur në një postim në Facebook:
“Shqiptarët e Luginës u japin ujë mërgimtarëve që po presin në kufirin Serbi-Kosovë
Sot aktivistë të Alternativës për Ndryshim në Bujanoc, përmes një aksioni simbolik, duke i dhuruar ujë të ftohtë, i kanë dëshiruar mirëseardhje bashkëatdhetarëve shqiptarë që jetojnë në vendet e perëndimit, të cilet po presin në pikën kufitare Dheu i Bardhë.
Qytetarë të shumtë të cilët po udhëtojnë në temperatura të larta, falemnderuan dhe u shprehën mirënjohës ndaj aktivistëve të cilët sadopak i freskuan me ujë”. /Lajmi.net/