Në vendkalimet kufitare të Kosovës me Serbinë, të dielën nuk janë regjistruar kolona dhe pritje të gjata të bashkatdhetarëve që po vijnë dhe po kthehen nga pushimet në Kosovë.

Në raportin e Qendrës Kombëtare për Menaxhimin Kufitar të orës 22:08, bëhet e ditur se vetëm tek Dheu i Bardhë ka pritje 30 minuta ndërsa në Jarinjë 30-35 minuta për të hyrë në Kosovë.

Në Merdarë, tashmë nuk ka pritje për të hyrë në Kosovë.

Në pikat tjera kufitare nuk ka pritje më shumë se 5 minuta për të hyrë në Kosovë.