Prishtinë, 3 vjeçarin e zënë rrethojat e një objekti – është në gjendje të rëndë shëndetësore
Një fëmijë sonte rreth orës 20:40 është lënduar si pasojë e rrëzimit të disa rrethojave të cilat e kanë zënë.
Lajme
Sipas policisë së Kosovës, njësitet policore menjëherë kanë ndërmarrë veprimet për sqarimin e rrethanave të rastit, shkruan lajmi.net.
Pas konsultimit me prokurorin kujdestar, është inicuar rasti “Shkaktim i rrezikut të përgjithshëm”.
Burime të lajmi.net bëjnë të ditur se gjendja shëndetësore e 3 vjeçarit është e rënduar.
Lajmi.net po tenton të kontaktojë me emergjencën për të marrë një përgjigje lidhur me këtë rast.
“Me datë 24.02.2021, rreth ores 20:40 Policia në Prishtinë ka pranuar informaten se një femijë i moshes rreth tre (3) vjecar është i lenduar. Njësitet policore menjëher kanë ndermarr veprimet e nevojshme për të sqaruar rrethanat e rastit. Janë bërë ekzaminime në vendin e ngjarjes, përderisa në konsultim me prokurorin kujdestar nën dyshimin e vepres penale inicohet rasti “Shkaktim i rrezikut te pergjithshem” për procedura të mëtejme hetimore. Lidhur me gjendjen shendetsoretë fëmiut mund te ju adresoheni autoriteteve kompetente shëndetsore”, thanë nga policia e Kosovës për lajmi.net.
Lajmi.net do t’iu mbajë të informuar lidhur me rastin. /Lajmi.net/