Sipas parashikimeve, Sigal Prishtina nuk lejoi befasi dhe mposhti Trepçën me rezultat të thellë 92:65, duke siguruar kualifikimin për në finalen e Kupës së Kosovës në basketboll.

Pavarësisht mungesës së Dardan Berishës së lënduar, Prishtina hasi në rezistencë të mitrovicasve vetëm në periudhën e parë të lojës, kurse më pas u shkëput në rezultat duke shënuar fitore të merituar.

Plejmejkeri Jordan Hulls ishte realizatori më i mirë te Prishtina me 26 pikë, kurse Besnik Azemi ishte më i dalluari te Trepça me 20 pikë.

Në finalë, ata e presin fituesin e duelit Ylli – Peja që zhvillohet sonte.