Dy ndeshjet e ditës së sotme do të luhen në orare të ndryshme, andaj ekziston mundësia që të përcillen të dy këto përballje.

Fillimisht, nga ora 15:30, do të nis përballja mes Trepçës 89 dhe skuadrës së Lirisë, shkruan lajmi.net.

Nikoqirët do të synojnë të marrin tri pikë, në mënyrë që të shkëputën sa më shumë nga fundi i tabelës.

Në anën tjetër, mysafirët do të tentojnë befasinë, në mënyrë që të mbajnë gjallë shpresat të paktën për barazhin.

Ndeshja tjetër do të jetë për kreun e tabelës, ku skuadra nga kryeqyteti do të pres në ‘Fadil Vokrri’ mysafirët e Drenicës.

Ndeshja Prishtina – Drenica do të luhet sonte me fillim nga ora 19:00, në kryeqytet, shkruan lajmi.net.

‘Bardh e kaltrit’ synojnë tri pikët në mënyrë që të mbajnë pikët e barabarta me liderët e Feronikelit, për të vazhduar deri në fund luftën për titullin. /Lajmi.net/