Komuna e Prishtinës dhe Komuna e Sofjes u zotuan për marrëveshje konkrete të bashkëpunimit, me ç’rast kryetarja e Komunës së Sofjes ofroi ndihmë të pa rezervë për Komunën e Prishtinës për zgjidhjen e shumë problemeve nëpër të cilat bullgarët tashmë kanë kaluar, transmeton Koha.

Delegacioni i Komunës së Prishtinës, të cilit i printe Shpend Ahmeti, pos nga kryetarja e Sofjes, u prit edhe nga nënkryetari për Arsim, Kulturë dhe Sport, Todor Çobanov, si dhe nga guvernatori i regjionit të Sofjes, Emil Kostov.