Prishtina binjakëzohet me qytetin Namur

Mbrëmë, Asambleja e qytetit të Namurit në Belgjikë votoi pro binjakëzimit të këtij qyteti me Prishtinën. Ky votim vjen pas vizitës së delegacionit së Namurit në Prishtinë, prirë nga kryetari i qytetit, Maxime Prévot, në nëntorin e vitin e kaluar.

Lajme

29/01/2016 17:20

Gjatë muajit shkurt, po ashtu një delegacion nga Komuna e Prishtinës do ta vizitojë qytetin e Namurit, për t’u njoftuar atje me qeverisjen, politikat, investimet dhe për të nxjerrë mësime që do të mund të shërbenin në Prishtinë.

Shfrytëzojmë nga rasti që t’i falënderojmë bashkëkombës tanë që kanë jetuar e jetojnë në Namur, Adnan Rexhepi, Mesud Ismaili, Fakete Ahmetaj dhe Arben Fetai, pa të cilët ky bashkëpunim nuk do të ishte i mundur.