Presidenti i La Ligës, Javier Tebas ka pranuar se Real Madrid mund të përjashtohet nga Copa del Rey.

Kjo për shkak të aktivizimit të futbollistit Denis Cheryshev i cili nuk kishte të drejtë loje – i suspenduar – në ballafaqimin kundër Cadizit, të mërkurën, përcjell “Lajmi.net”.

“Më duket se një garë e rëndësishme si Copa del Rey do ta humb një ekip të madh”, deklaroi ai për të përditshmen sportive madrilene “Marca”.

Real Madrid e fitoi takimin me rezultat 3:1 ku Cheryshev realizoi golin e parë para zëvendësimit nga loja kur “Los Blancos” e kuptuan se ai ishte i suspenduar.