Të Infektuar: 1147

Të Shëruar: 874

Të Vdekur: 30

Premierliga dhe Serie A, opsionet e Shevchenkos

18:43 | 7 Prill 2020

Andriy Shevchenko do të vazhdojë me zejen e trajnerit edhe pas largimit nga ekipi kombëtar i Ukrainës.

Ish lojtari i Milanit, karrierën do ta vazhdojë duke drejtuar klube të futbollit, ka zbuluar anëtari i stafit të tij, Andrea Maldera.

Shevchenko muajt e fundit ka qenë i lidhur me një rikthim te Milan, gjë e cila duket se ka shumë mundësi të ndodh në të ardhmen.

“Pas përvojës si trajner i ekipit kombëtar, objektivi i tij do të jetë drejtimi i një klubi”, ka deklaruar Maldera, teksa fliste për të ardhmen e Shevchenkos, përcjell lajmi.net.

“Pavarësisht nëse është në Serie A apo Premierligë, nuk do të ketë ndonjë ndryshim për të. Ai është një punëtor i zellshëm dhe më bëri përshtypje që në fillim”.

“Shevchenko mësoi shumë nga trajnerët me të cilët punoi, dhe Carlo Ancelotti ishte një mentor i vërtetë i tij. Ai është i përpiktë në detaje kur përgatit ndeshjet”./Lajmi.net/