Carlo Ancelotti ka thënë se nuk ndikohet aspak nga parashikimet dhe presioni i madh në Real Madrid, duke shpjeguar se pas gati dy dekadash në detyrën e trajnerit “prapanica ime i reziston edhe tërmetit”.

Italiani ka fituar tituj të ligës në Angli, Itali dhe Francë, si dhe dy trofe të Ligës së Kampionëve me Milanin.

Mirëpo, ai tani është i ngarkuar me detyrën e udhëheqjes së Los Blancos drejt titullit të dhjetë kontinental, që u mungon nga viti 2002.

Por, Ancelotti insiston se nuk bëhet merak për vëmendjen dhe presionin.

“Prapanica ime i reziston edhe tërmetit sepse kam gjithë përvojën e kësaj bote”, deklaroi trajneri 54-vjeç gjatë një interviste për Financial Times.

“Nuk zhgënjehem sa herë që rezultatet nuk janë të mira, nuk jam aq i lumtur kur rezultatet janë të mira. Nuk mendon se ekziston presion i madh mbi mua sepse e dua këtë punë. Presioni ndaj trajnerëve është gjë e zakonshme”, u shpreh ai.