Shukria Barakzai është plagosur lehtë gjatë këtij sulmi. Ajo njihet si avokuese e të drejtat e grave dhe është aleate e presidentit të ri Ashraf Ghani.

“Barakzai ka disa lëndime të vogla. Fatkeqësisht, tre civilë janë vrarë dhe 17 të tjerë janë plagosur”, ka shkruar në rrjetet sociale, zëdhënësi i Ministrisë së Brendshme, Sediq Sediqqi.

Barakzai po udhëtonte së bashku me disa ligjvënës të tjerë. Ata ishin duke shkuar për në parlament, kur një makinë u përpoq që të godiste veturën me të cilën po udhëtonin politikanët dhe sapo veturat ishin pranë njëra tjetrës, sulmuesi shpërtheu eksplozivët.

Afganistani është duke u përballët me një kryengritje vicioze të udhëhequr nga talibanët.

Ky incident vjen vetëm pas një jave, pasi një sulmues vetëvrasës kishte hyrë në zyrat e shefit të policisë së Kabulit, në njërën prej zonave më të frontifikuara të kryeqytetit, ku la të vdekur një oficer të lartë, raporton BBC, transmeton lajmi.net