Dje (e diel) në Kosovë janë mbajtur zgjedhjet parlamentare të Kuvendit të Kosovës.

Ndonëse nuk është raportuar për incidente të mëdha, dje Policia e Kosovës është përballur me disa thyerje rregullash të votimit.

Policia e Kosovës në raportin 24 orësh ka raportuar për dy raste të cenimit të fshehtësisë së votës, shkruan lajmi.net.

Rastet kanë ndodhur në Fushë Kosovë dhe Vushtrri.

Rastet e raportuara në Polici:

Fushë Kosovë 09.02.2025-14:00. Raportohet se është ndaluar i dyshuari mashkull kosovar pasi që i njëjti ka kryer veprën e lartcekur. Me vendim të prokurorit, pas intervistimit, i dyshuari është liruar në procedurë të rregullt.

Vushtrri 09.02.2025-09:00. Është arrestuar i dyshuari mashkull kosovar pasi që kishte kryer veprën e lartcekur. Me vendim të prokurorit, i dyshuari është dërguar në mbajtje. /Lajmi.net/