Policia me aksion në Prishtinë, shkatërron grupin që shiste marihuanë
Policia e Kosovës ka arrestuar pesë persona në Prishtinës.
Lajme
Policia e Kosovës ka bërë të ditur se pas një pune prej rreth dy muajve ka arritur që të arrestojë pesë persona të cilët merreshin me shitjen e lëndëve narkotike, shkruan lajmi.net.
Sipas njoftimit, gjatë realizimit të kontrollimit të personave dhe veturave të dyshuara, në një nga veturat e ndaluara është gjetur një sasi e narkotikëve të llojit “Marihuanë” me peshë të përgjithshme prej 13 kilogramë e 800 gramë, së bashku me mbështjellës, më pastaj, pas konsultimit me prokurorin kompetent, me urdhër të tij është realizuar edhe një kontroll i lokacioneve të cilat dyshohet se janë shfrytëzuar për fshehje të substancave narkotike. Gjatë realizimit të këtij kontrolli tek të dyshuarit janë gjetur: 5 paketime me substancë narkotike të llojit Marihuanë me peshë të përgjithshme prej 6 kilogramë e 206 gramë.
Njoftimi i plotë i Policisë së Kosovës, pa ndërhyrje:
Me datë 14.07.2020 Policia e Kosovës ka bërë arrestimin e pesë personave të dyshuar, që ndërlidhen me rastin e veprave penale “Blerja , posedimi ,shitja ose shpërndarja e paautorizuar e substancave narkotike (Neni 267) dhe Mbajtja në pronësi apo kontroll e paautorizuar e armëve (Neni -366)”.
Policia e Kosovës pas pranimit të informatave në lidhje me rastet e lartëcekura, ka zhvilluar një hetim intensiv dy mujor, me ç’rast me datë 14.07.2020 në Prishtinë ka realizuar një operacion policor gjatë të cilit njësia e Drejtorisë së Hetimit të Trafikimit me Narkotik (DHTN) – Prishtinë, ka ndaluar tri vetura të dyshuara në të cilat janë hasur personat e dyshuar si në vijim:
- D. M/Kosovar
- D. M/Kosovar
- Sh. M/Kosovar
- B. M/Kosovar
- I. M/Kosovar
Gjatë realizimit të kontrollimit të personave dhe veturave të dyshuara, në një nga veturat e ndaluara është gjetur një sasi e narkotikëve të llojit “Marihuanë” me peshë të përgjithshme prej 13kg e 800gram, së bashku me mbështjellës.
Në lidhje me rastin, pas konsultimit me prokurorin kompetent, me urdhër të tij është realizuar edhe një kontroll i lokacioneve të cilat dyshohet se janë shfrytëzuar për fshehje të substancave narkotike. Gjatë realizimit të këtij kontrolli tek të dyshuarit janë gjetur:
- 5 paketime me substancë narkotike të llojit Marihuanë me peshë të përgjithshme prej 6kg e 206gram.
- 3 peshore elektronike
- Qese për paketim të substancës narkotike
- Folje alumini
- Një palë doreza
- Një armë zjarri
- Një karikator
- Tre fishekë
- 11 paktime dhe një cigare të mbushura me substancë të llojit Marihuanë me peshë 25.1gram
- 7540 (shtatëmijë e pesëqind e dyzet) euro.
Pesha e përgjithshme e sasisë së konfiskuar të substancës narkotike arrinë në 20kg e 31.1gram, ndërsa përveç gjësendeve të cekura më lartë, po ashtu është bërë edhe konsifkimi i pesë telefonave celularë dhe tri veturave të përfshira në rast si prova materiale që ndërlidhen me rastin .
Të dyshuarit janë intervistuar në prezencë të mbrojtësve të tyre dhe me vendim të prokurorit të njëjtit janë dërguar në qendër të mbajtjes. /Lajmi.net/