Policia arreston një serb të dyshuar për krime lufte në Kosovë

8:43 | 9 Dhjetor 2021

policia-e-kosoves-a

Policia e Kosovës gjatë ditës së djeshme ka arrestuar një shtetas serb, i dyshuar për përfshirje në veprën penale “krime lufte kundër popullsisë civile”.

Nga Policia e Kosovës është theksuar se arrestimi i tij është bërë në pikën kufitare në Jarinje, transmeton lajmi.net.

Me vendim të prokurorit, i dyshuari është dërguar në mbajtje.

“KRIME LUFTE/ARRESTIM I PERSONIT TË KËRKUAR
PKK Jarinje. Me datë 08.12.2021 në bazë të urdhëresës së lëshuar nga Gjykata, është arrestuar një mashkull serb shtetas i Serbisë me dyshimin për përfshirje ne veprën penale Krime Lufte kundër popullsisë civile. Me vendim të prokurorit i dyshuari është dërguar ne mbajtje.”./Lajmi.net/