Reshje të shiut e borës pati sot që në orët e para të mëngjesit.

E padyshim se menjëherë nisi të ketë edhe numër të shtuar të aksidenteve.

Si shkak, Policia e Kosovës ka bërë thirrje për kujdes të shtuar gjatë ngasjes në rrugë të mbuluara me ujë dhe borë.

“Bazuar në situatën e tanishme ku kemi ndryshim të kushteve atmosferike reshje të shiut e borës dhe ulje të temperaturave, Policia e Kosovës APELON të gjithë pjesëmarrësit në trafik, në veçanti shoferët për kujdes të shtuar, përshtatje të shpejtësisë me kushtet atmosferike dhe gjendjen e rrugës, mbajtje të distancës së sigurisë në mes mjeteve si dhe ngadalësim gjatë lëvizjes në rrugë të mbuluara me ujë e borë.”/Lajmi.net/