Anësori ka qenë i lidhur me një lëvizje te PSG këtë verë, me klubin e mëparshëm të Barcelonës, të cilin e ka parë si një destinacion i mundshëm.

Braziliani e gjeti veten në qendër të polemikave pas komenteve të bëra të shtunën, në të cilën ai pretendoi se fitorja 6-1 e Barcelonës ndaj klubit të tij aktual në Ligën e Kampionëve në vitin 2017, është kujtimi më i preferuar i karrierës së tij, transmeton lajmi.net.

“Atribuimi i kësaj përgjigjeje spontane dhe të ndershme ndaj një provokimi për klubin e tij aktual është një qëndrim keqdashës, qëllimi i vetëm i të cilit është të krijojë një polemikë ku nuk ka asnjë”, tha Neymar Santos Sr në një postim në Instagram.

“Shumë gazetarë dhe tifozë në mbarë botën e konsiderojnë këtë takim si një nga më të paharrueshmit të karrierës së lojtarit”.

“Djali im nuk kishte ndërmend ndonjë mosrespektim ndaj PSG-së apo lojtarëve që luajtën këtë ndeshje në vitin 2017, disa prej të cilëve tani janë shokët e tij të klubit”.

“Nga fundi i asaj ndeshje deri më sot, ai gjithmonë e kujton si një nga kujtimet më të rëndësishme të karrierës së tij”, shpjegoi babai i tij. /Lajmi.net/