Kjo marrëveshje vjen si një domosdoshmëri që blloku LDK, AAK dhe Nisma të sigurojë mbështetjen e Vetëvendosjes, shkruan Tribuna.

Sekretari i Përgjithshëm i Lëvizjes Vetëvendosje, Dardan Molliqaj, e ka parë si krejtësisht të mundshme arritjen e kësaj marrëveshjeje.

“Tashmë kemi një dakordim për përmbajtjen e tekstit. Janë duke u bërë ndryshime e plotësime të domosdoshme, por të cilat assesi nuk e prekin thelbin dhe përmbajtjen e saj”, ka thënë Molliqaj.

Sipas tij, kjo do të jetë një marrëveshje e shkruar dhe e nënshkruar nga të gjitha palët.

“Në marrëveshje do të specifikohen edhe parimet e udhëheqjes së qeverisë së ardhshme dhe se nëse edhe këtë fazë e kalojmë, atëherë do të shkojmë në të tretën, për të diskutuar për fushat e tjera të jetës dhe qeverisjes”, ka theksuar Molliqaj.