Pjesmarrësit e Festivalit të 53 të Këngës, befasi në listë

Aktori dhe regjisori i njohur shqiptar, Enver Petrovci, do të jetë surpriza e edicionit të 53-të të Festivalit të Këngës në RTSH që do të mbahet në Shqipëri në fund të dhjetorit. Ai vjen si konkurent me këngën e titulluar "Të vranë bukuri".

ShowBiz

01/11/2014 12:01

Emri i tij është zbuluar sot nga organizatorët e këtij festivali, eveniment që do të mbahet në datat 26, 27 dhe 28 dhjetor në Pallatin e Kongreseve në Tiranë.

Drejtori i Përgjithshëm i RTSH-së, Martin Leka, ka prezantuar sot për mediat formulën dhe listën e këngëtarëve fitues që do të garojnë sivjet për çmimin e parë të festivalit.

Do të jenë 28 këngë që do të garojnë sivjet në këtë festival, ku do të marrin pjesë emra të njohur të muzikës së lehtë shqiptare, por edhe këngëtarë nga Kosova, Maqedonia, e trevat e tjera shqiptare.

Një tjetër emër surprizë krahas artistit Petrovci është edhe Elhaida Dani, këngëtarja e talentuar shqiptare që korri sukses në Itali duke rrëmbyer çmimin e parë në edicionin e “The Voice of Italia”.

Fituesi i këtij festivali është automatikisht përfaqësues i Shqipërisë në Eurovision.

Ja emrat e 28 pjesmarrësëve:

  1. Altin Goci
  2. Agim Poshka
  3. Ana Gramo
  4. Andos Sinani
  5. Besa Krasniqi
  6. Besjana Mehmedi & Shkodran Tolaj
  7. Bojken Lako Band
  8. Elhaida Dani
  9. Emi Bogdo
  10. Enver Petrovci
  11. Enxhi & Xhejn Kumrija
  12. Erga Halilaj
  13. Grupi Aurora
  14. Grupi Offchestra
  15. Gjergj Leka
  16. Jozefina Simoni
  17. Julian Gjojdeshi
  18. Kelly
  19. Klajdi Musabelliu
  20. Kozma Dushi
  21. Lindita Halimi
  22. Marsela Çibukaj
  23. Mjellma Berisha
  24. Rezarta Smaja
  25. Revolt Klan
  26. Saimir Braho
  27. Sigi Bastri & Florent Abrashi
  28. Venera Lumani

/KosovaPress