Andrea Pirlo beson se rasti i penalltisë ishte paksa i dyshimtë pas disfatës së Juventusit ndaj Napolit.

“Bianconerët” pësuan humbjen e tyre të dytë në këtë sezon në Serie A, të parën ia shkaktoi Interi dhe tani ata u mposhtën në “Diego Armando Maradona Stadium”, transmeton lajmi.net.

Insigne shënoi nga penaltia, të cilën e fitoi Amir Rrahmani pas një dueli me Giorgio Chiellinin ku italiani e gjuajti me dorë në fytyrë kosovarin.

“Disa raste trajtohen ndryshe kur janë kundër Juventusit”, tha ai.

“Ne nuk kemi pasur një goditje në portë, kemi humbur për shkak të një rasti të dyshimtë, por është për të ardhur keq që nuk e morëm fitoren. Bëmë paraqitjen që na duhej, por jo rezultatin që meritonim”, shtoi ai për “SkySportItalia”.

“Ne e lëviznim topin përreth, por jo aq shpejt, kështu që Napoli ishte në gjendje të hynte në pozicionet mbrojtëse. Në pjesën e dytë ne ishim më iniciativë, krijuam më shumë shanse, por nuk e morëm golin”, tha italiani.

Pirlo u pyet pse e konsideroi rasti e penalltisë si “të dyshimtë” ku Chiellini përplasi krahun në fytyrën e Rrahmanit.

“Nëse jepni një penallti për këtë, atëherë çdo kontakt do të dënohet me një goditje të shpejtë. Nëse kjo do të ishte dhënë për ne, do të kishte pasur shumë polemika dhe ankesa, duke supozuar se do të na jepej lehtë”, tha 42 vjeçari.

“Thjesht po them që rastet shkuan në atë mënyrë sot. Ishte një penallti e dyshimtë, edhe për kartonin e Giovanni Di Lorenzo sepse ai kishte një më herët dhe nuk u ndëshkua. Disa raste trajtohen ndryshe kur janë kundër Juventusit, sepse të gjithë flasin për ne. Ndonjëherë ajo taktikë funksionon, ndonjëherë nuk bën”, tha Pirlo.

“Nuk mund të ankohem për sulmuesit sepse lojtari i ndeshjes ishte portieri i Napolit. Ne mund të jemi 10 pikë larg majës me një lojë në dorë, por është ende vetëm shkurti dhe nëse vazhdojmë të luajmë në këtë nivel, do të bëjmë mirë”, u shpreh ai

“Unë jam i kënaqur për Gattuson sepse ai është një mik, por unë preferova të fitoj dhe të marr tre pikët në shtëpi”, përfundoi Andrea Pirlo./Lajmi.net/