Pique nis ‘ngacmimet’ pasi dështoi kalimi i Mbappe te Real Madrid
Real Madrid nuk ia doli as në këtë afat veror që ta transferojë yllin e PSG-së, Kylian Mbappe.
Sport
Francezi refuzoi rinovimin e kontratës që i skadon në vitin 2022, por kjo nuk mjaftoi që PSG ta shesë, ngase skuadra “Parisienë” refuzoi të gjitha ofertat, transmeton lajmi.net.
Pas dështimit të transferimit të Mbappes në Real Madrid, ka reaguar edhe mbrojtësi i Barcelonës, Gerard Pique, i cili shpesh herë ‘ngacmon’ rivalin e përbetuar.
Pique postoi një foto të mediumit spanjoll ‘Marca’ që thoshte se cilin numër do ta marrë Mbappe te Reali.
Ndërsa, spanjolli në mbishkrim shkroi “El 7”.
El 7. https://t.co/r69HYSMcaH
— Gerard Piqué (@3gerardpique) August 31, 2021
Ndërkohë, në rast që Mbappe vazhdon të refuzojë rinovimin, atëherë qysh në janar mund të nënshkruajë parakontratë me Real Madridin./Lajmi.net/