Trajneri i Milanit, Stefano Pioli ka komentuar humbjen ndaj Udinese.

Milani po kalon në një formë jo të mirë këtë sezon, duke mbetur 20 pikë prapa vendit të parë, Napolit.

‘Rossoneri’ edhe mbrëmë u befasua në udhëtim te Udinese, pasi pësoi humbje 3:1.

Pas ndeshjes trajneri i klubit u shpreh i pakënaqur, duke thënë që kanë bërë paraqitje të pamjaftueshme në atë ndeshje

“Pati shumë momente në ndeshje që ndikuan në rezultat. Paraqitja jonë ishte e pamjaftueshme, për cilësinë dhe energjinë që dhamë në fushë. Episodet peshojnë shumë dhe të përfundonim pjesën e parë në barazim padyshim që do të ishte më mirë. Ne nuk ishim një ekip i tillë për të marrë një rezultat ndryshe. Duhet dhe duhet të bëjmë më mirë”, u shpreh Pioli.

Pas humbjes së mbrëmshme Milani qëndron në vendin e katër me 48 pikë, 20 më pak se lideri Napoli./Lajmi.net/