Qeveria ruse gjegjësisht ministria e shëndetësisë, konsideron se një kufizim i tillë do të rriste sigurinë dhe kështu do të zvogëloheshin aksidentet në trafik, bën të ditur Fena.

Megjithatë, menjëherë janë lajmëruar kundërshtarët e këtij ligji, dhe kështu avokati Jevgeni Chernousov me një përvojë të gjatë në ministrinë e punëve të brendshme, dëshiron të dijë se si do të kontrollohet ky kufizim, transmeton lajmi.net.

“Ende është e paqartë se si policia do të vepronte nëse konstaton se është shkelur ligji. A do të ecnin me metër në dorë, kur të ndalojnë kamionët për kontroll rutinore”, ka deklaruar me ironi Chernousov.

Sipas tij, propozimi i ministrisë së shëndetësisë ka për qëllim të ndaloj shoferet femra të trolejbusëve, që sipas gjitha gjasave dikujt po i pengojnë.

Chernousov pranoi se nuk ekziston ndonjë statistikë që dëshmon se personat më të shkurt se 150 centimetra janë shofer më të dobët, dhe më shpesh janë pjesë e aksidenteve rrugore.

“Nëse ndonjë person është plotësisht i shëndetshëm, çfarë rëndësie ka shtati? Është diskriminim i pastë”, ka deklaruar presidenti i shoqatës për mbrojtje ligjore, Viktor Travin, i cili rikujton se prodhuesit krijojnë karrige të sofistikuara të cilat mund ti përshtaten çdo gjatësie. (lajmi.net)