Si njofton RTK, në funksion të udhëtarëve që udhëtojnë drejt Shqipërisë dhe anasjelltas janë lëshuar edhe dy korsi shtesë, në dalje, duke bërë të mundur që edhe hyrja të jetë me katër kalime.

Por, sipas policis; kufitare, kjo nuk do të thotë që automjetet nuk do ti nënshtrohen kontrollit. Gjithsesi kontrolli vizual dhe regjistrimi i automjeteve do të bëhet, por për të përballuar fluksin e mysafirëve dhe ardhjen e bashkatdhetarëve në vendlindje, numri i oficerëve policorë do të jetë më i madh, ndërsa në pikat hyrëse të Kosovës dhe Shqipërisë do të funksionojnë shtatë sportele. Madje, edhe ky numër mund të rritet, varësisht nga fluksi i udhëtarëve.